UEFA ka publikuar paraditen e së mërkurës formacionin ideal të vitit 2011, i zgjedhur nga përdoruesit e internetit nëpërmjet votave në faqen e organizmit drejtues të futbollit europian.
Ashtu si çdo formacion tjetër, edhe ai i votuar nga njerëzit e thjeshtë dominohet nga Barcelona dhe Real Madrid. Katalanasit kanë 5 futbollistë në të (Gerard Pique, Daniel Alves, Xavi Hernandez, Andres Iniesta dhe Leo Messi), ndërsa madrilenët 3 (Iker Casillas, Marcelo dhe Cristiano Ronaldo).
Gjithashtu Xavi është përzgjedhur si kapiten ekipi duke qenë futbollisti që ka marrë më shumë vota.
Formacioni plotësohet nga Thiago Silva, mbrojtësi i Milanit, Gareth Bale, mesfushori i Tottenham, dhe Arjen Robben, mesfushori i Bayern Munchen.
Trajneri i formacionit ideal të vitit 2011 është përzgjedhur tekniku i Barcelonës, Pep Guardiola. Bëhet e ditur nga vetë UEFA se në adresën e saj në web kanë votuar rreth 4.5 milionë persona.
Top Channel
