Pas humbjes kundër Interit, një tjetër lajm i keq për Milanin. Kuqezinjve do i mungojë mesfushori Kevin Prince Boateng për të paktën 1 muaj.
Milani ka komunikuar se ganezi ka pësuar “një dëmtim muskular në kofshën e majtë që do e mbajë jashtë fushave për katër javë”.
Gjithashtu, probleme ka shfaqur edhe portieri Christian Abbiati në pulpën e këmbës së majtë.
Rikthehen Merkel dhe Strasser
Pas rikthimit në ekip të Alexander Merkel nga Genoa ditën e martë, Milan ka rikthyer nga huazimi edhe mesfushorin tjetër Rodney Strasser, nga Lecce, si pasojë e dëmtimeve të shumta që kanë përfshirë mesfushën e ekipit të drejtuar nga Allegri.
Gjithashtu është zyrtarizuar edhe blerja e mbrojtësit të majtë Djamel Mesbah, ish-futbollist i Lecce.
Top Channel
