Presidenti iranian Mahmoud Ahmadinejad ka kopiuar homologun venezuelian Hugo Chavez, duke akuzuar fuqitë perëndimore se përhapin viruset dhe sëmundjet.
“Për të shitur ilacet e tyre, fuqitë e mëdha prodhojnë virusin HIV dhe më pas e përhapin atë tek shoqëria, për qëllime politike”, ka deklaruar Ahmadinejad.
Lajmin e bën të ditur faqja gjysmëzyrtare e internetit “Tabnak”. “Pyes veten se si ka mundësi që virusi HIV të jetë më pak i përhapur në vendet që nuk kanë kufizime për marrëdhëniet seksuale, sesa tek ato ku fuqitë e mëdha duan që njerëzit të mos i kushtojnë vëmendje faktit që burimet e tyre janë të kufizuara”, ka thënë Ahmadinejad.
Në fund të vitit të kaluar, duke marrë shkas nga sëmundja me kancer e presidentes argjentinase, presidenti venezuelian Hugo Chavez deklaroi se kjo nuk është thjeshtë një koincidencë.
Chavez bëri përgjegjëse për këtë administratën amerikane, e cila sipas tij për të arritur qëllimet politike përdor sëmundjet kundër liderëve që nuk i shkojnë për shtat.
Chavez tha se Shtetet e Bashkuara kanë zhvilluar një lloj teknologjie që shkakton përhapjen e kancerit dhe paralajmëroi krerët e shteteve të tjera majtiste se mund të jenë viktimat e radhës.
Presidentja argjentinase Kirchner u diagnostikua së fundmi me kancer në gjendrën e tiroides, ndërkohë që sëmundje të tilla kanë pasur më parë edhe Fernando Lugo i Paraguajit, Dilma Rousseff e Brazilit dhe paraardhesi i saj Lula.
Për presidentin venezuelian, që pretendon se ka fituar betejën me kancerin, fenomeni është tepër i cuditshëm dhe i vështirër për t’u shpjeguar me ligjet e probabilitetit.
Top Channel
