Gjykim ushtarak për spiunin e “Wikileaks”

Nëse kjo do të ndodhë, Manning mund të përballet me dënimin me vdekje për akuzat e tradhëtisë së lartë, ndihmë ndaj armikut dhe spiunazh.

Një ish-analist kompiuterik i ushtrisë amerikane, Manning dyshohet se ka furnizuar të gjithë kabllogramet për “Wikileaks”, e cila ka zbuluar me dhjetëra mijëra dokumente të koduara, kryesisht komunikime të ambasadave amerikane nëpër botë me qëndrën e tyre në Uashington.

Rreshteri 24-vjeçar është duke u përballur me një proces, që do të përcaktojë nëse ai do të gjykohet nga një gjykatë ushtarake apo civile.

Në një komunikatë, kreu i Gjykatës Ushtarake Amerikane, koloneli Paul Almanza, theksoi se: “Ka prova të mjaftueshme për të dyshuar se i akuzuari i ka kryer krimet që rëndojnë mbi të. Për këtë arsye, rekomandoj që çështja e tij të trajtohet ushtarakisht”.

Në seancat e deritanishme, avokatët mbrojtës të Manning janë përpjekur të evidentojnë se veprimet e tij bëheshin, sipas të pandehurit, për një arsye të duhur, për të sjellë më shumë transparencë në botë dhe se ai nuk e kuptonte rëndësinë e asaj që po bënte.

Ata e kanë portretizuar Manning si një të ri me probleme të theksuara personale, përfshi vuajtjen nga mungesa e stabilizimin të një identetiti të përcaktuar seksual.

Në total, “Wikileaks” ka publikuar rreth 250 mijë dokumente të koduara, për një total prej miliona faqesh që kanë tronditur botën gjatë 2011-s.

Top Channel