Një prift katolik në Gjermani pranoi 280 akuza për abuzim seksual ndaj tre të miturve, por shtoi se mendonte që nuk po dëmtonte njeri nëpërmjet veprimeve të tij.
I quajtur Andreas L, prifti tha përpara një gjykate në Braunschweig që për herë të parë, abuzoi djalin 9-vjeçar të një besimtareje.
Pasi u pengua nga dioqeza që të kishte kontakte të reja me djalin, ai abuzoi dy vëllezër, të moshës 9 dhe 13 vjeç.
Me qindra mijëra gjermanë kanë braktisur kishën, për shkak të skandaleve të fundit. 180 mijë besimtarë hoqën dorë zyrtarisht nga feja katolike në 2010-n, 40% më shumë se një vit më parë, të paktën sipas të dhënave të “Deutsche Welle”.
Papa Benedikti XVI, me shtetësi gjermane, u takua shkurtimish me viktimat seksuale të abuzimeve kur vizitoi vendin e tij në shtator, ndërsa shprehu “keqardhje të thellë” dhe premtoi që do të lutej për vuajtjen e tyre.
Top Channel
