Plani i Milloshevicit për Kosovën

Qëllimi i këtij operacioni fokus kryesor kishte spastrimin etnik të shqiptarëve në Kosovë. Ky lajm është konfirmuar nga ish-ministrja e Jashtme e Bullgarisë Nadezhda Neynski aktualisht deputete në parlamentin bullgar.

Ajo citohet të ketë pohuar se, ishte vet ajo e cila ia kishte dorëzuar planin Ministrit të Jashtëm gjerman në atë kohë, Joschka Fischer.

“Unë ia dhashë Ministrit të Jashtëm gjerman Joschka Fischer, respektivisht NATO –s një raport që e kishim në qeverinë e Bullgarisë e që bënte të qartë se kishte një plan, me emrin “Patkoji”, i përgatitur me kujdes nga shërbimet e intelegjences së Serbisë dhe lideri shtetëror i asaj kohe, Sllobodan Milloshevic”, thotë ish-ministrja e Jashtme bullgare, Neynski. Sipas Neynski plani ishte hartuar të muajin shkurt të vitit 1999 dhe kishte dy qëllime:

E para ishte shkatërrimi i Ushtrisë Çlirimtare të Kosovës dhe e dyta që ta pastrojë Kosovën nga shqiptarët. Plani nuk u parandalua dhe rezultoi me dëbimin e mbi 1 milion shqiptarëve nga Kosova në Shqipëri e Maqedoni.

Më tej, dokumentari zbulon se operacioni sekret i Milloshevicit u mor nga inteligjenca ushtarake e Bullgarisë dhe iu dorëzua qeverisë bullgare që udhëhiqej nga të djathtët me Ivan Kostovin, kryeministër.

Ish-ministrja e Jashtme tha se qeveria vendosi që planin t’ia dërgojë NATO-s, e pastaj edhe ish-ministrit të Jashtëm gjerman Joschka Fisher. Neynski, e cila aktualisht është deputete në Parlamentin e Bullgarisë ka thënë se është krenare që Bullgaria ka vepruar në mënyrë dinjitoze në këtë rast, duke ua dhënë planin aleatëve, i cili ka shërbyer më pas për ndërhyrjen e NATO-s në Kosovë duke i dhënë fund luftës së egër të udhëhequr nga diktatori Milloshevic i cili është cilësuar nga ndërkombëtarët si “kasapi i Ballkanit”.

Top Channel