Qeveria nuk toleron bllokimin e rrugëve
07/01/2012 00:44
Incidenti vdekjeprurës hekurudhor në Serbi, qytetarët ngrihen sërish në protestë dhe bllokojnë rrugët 15/11 18:40
Policia do të ketë zero tolerancë ndaj bllokimit ilegal të rrugëve. Kjo është përgjigja që vjen nga Ministria e Brendshme e Kosovës, si reagim ndaj planeve të lëvizjes Vetëvendsoje për të protestuar në pikat kufitare të Merdares e Dheut të Bardhë.
“E drejta e disa qytetarëve për të protestuar dhe shprehur pakënaqësinë, nuk do të lejohet të abuzohet në dëm të lëvizjes së lirë të qytetarëve tjerë dhe mallrave në territorin e Republikës së Kosovës”, thuhet në një njoftim të Ministrisë së Brendshme.
“Policia e Kosovës ka përgatitur planin operativ për parandalimin e bllokimit të pikave kufitare Merdarë dhe Dheu i Bardhë, si dhe rrugëve magjistrale të cilat cojnë në këto pika kufitare”, vijon njoftimi.
Ministria e Punëve të Brendshme kërkon nga të qytetarët e Republikës së Kosovës, të mos përkrahin forma jo ligjore të shfaqjes së pakënaqësisë.
Zyrtarët e Lëvizjës Vetëvendosje, gjatë një konference të mbajtur dje, kanë paralajmëruar se Vetëvendosja më 14 janar do të bllokojë dy pikat kufitare me Serbinë, Merdarën dhe Dheun e Bardhë, dhe nuk do të largohen nga këto pika, derisa Qeveria ta zbatojë të plotë mocionin e Kuvendit të Kosovës, për vendosjen e masave të reciprocitetit me Serbinë.
Top Channel
