Presidentja argjentinase, Cristina Fernandez de Kirchner nuk ka kancer! Ky është lajmi që po lumturon të gjithë argjentinasit, të shqetësuar për shëndetin e presidentes së tyre.
Cristina Fernandez de Krichner la spitalin “Austral” në Buenos Aires ku u shtrua para pak ditësh e diagnostikuar me kancer në tiroide.
Presidentja iu nënshtrua një operacioni kirurgjik i cili doli me sukses. Pas operacioni dhe kryerjes së analizave të nevojshme, mjekët deklaruan se Fernandez gëzon shëndet të plotë dhe nuk ka kancer.
Cristina Fernandez de Kirchner, 58-vjeç, kohët e fundit filloi detyrën si presidente në mandatin e saj të dytë, pas një fitore bindëse të zgjedhjeve. Burri i saj, ish-presidenti Nestor Kirchner, vdiq vitin e kaluar pas pësimit të një ataku në zemër.
Zonja Fernandez do të qendrojë e tërhiqur nga detyra si presidente deri në 24 janar, ndërsa zëvëndësi i saj, Amado Boudou është ai që po kryen këto funksione për momentin.
Top Channel
