Korçë, dita e Ujit të Bekuar

Ceremonitë me rastin e kësaj dite kanë filluar me celebrimin e një meshe të mbajtur në Katedralen e qytetit nga Mitropoliti i Korçës, imzot Johani. Gjatë meshës, imzot Johani ka shpjeguar simbolikën e ditës së Ujit të Bekuar, e cila lidhet me pagëzimin e Jezusit në lumin Jordan nga Gjon Pagëzori.

Pas kësaj, në prani të qindra qytetarëve është kryer riti i hedhjes së kryqit në ujë, që në qytetin e Korçës bëhet në shatërvanin para katedrales “Ngjallja e Krishtit”. Mjaft të rinj kanë hyrë në ujin e ftohtë të shatërvanit për të kapur kryqin duke sfiduar temperatuarat nën 0 gradë. Por fatlumi për këtë vit ishte 19-vjeçari nga qyteti i Korçës, Marius Vincani, i cili ka gjetur kryqin për herë të  parë.

Në simbolikë të kësaj dite, qytetarët kanë mbushur shishe në shatërvanin ku u hodh kryqi, për të spërkatur me këtë ujë shtëpitë e tyre në shenjë mbarësie.

Top Channel