Maicon është objektivi i ri i Paris Saint Germain. Leonardo, drejtori sportiv i francezëve, po mundohet të sjellë në Francë mbrojtësin e djathtë brazilian të Interit pasi Udinese po reziston për lëshimin e Isla-s.
Interit i ofrohen për lojtarin 15 milionë euro plus bonuse. Ky propozim po merret parasysh nga presidenti zikaltër Massimo Moratti.
Përsa i përket blerjeve, nga Peruja mediat bëjnë të ditur se Interi ka arritur marrëveshjen për Farfan, sulmuesin që është në skadencë kontrate me Schalke 04.
Ky lajm ende nuk është konfirmuar. Jefferson Farfan vjen nga një dëmtim i rëndë në gjurin e djathtë dhe ka shumë pikëpyetje mbi riaftësimin e tij.
Top Channel
