Bilanci vjetor, AAK dhe LDK kritikojnë qeverinë
29/12/2011 00:00
Presion nga Gjermania, Kosova mund të rikthejë mallrat e ndaluara nga Serbia
03/10 13:51
Derisa kriminelët e udhëheqin shtetin, investitorëte huaj nuk mund të investojnë në Kosovë. Një deklaratë të tillë e ka bërë deputetja e Lidhjes Demokratike të Kosovës, Vjosa Osmani, në një konferencë për media.
Sipas saj, këtë e thonë raportet ndërkombëtare, por me gjithë insistimin e gazetarëve ajo nuk ka përmendur ndonjë emër dhe në cilat raporte përmenden.
Gjatë konferencës së fundvitit, deputetja Osmani ka paraqitur, siç ka thënë ajo, dështimet e politikës kosovare në botën e jashtme. Ajo ka numëruar 9 aktorë të ndryshëm në Kosovë që merren me politikën e jashtme dhe sipas saj, kjo ka krijuar konkurrencë të panevojshme, qoftë edhe në marrjen e meritave. Për këtë arsye LDK ka kërkuar që të shuhen disa prej posteve që merren me politikën e jashtme.
Në konferencën e fundvitit edhe partia tjetër opozitare, Aleanca për Ardhmërinë e Kosovës, ka drejtuar kritika të fuqishme në drejtim të qeverisë Thaçi, duke e cilësuar vitin 2011 si vitin më të keq të qeverisjes, që shumë çështje t’i trashëgojë vitin tjetër.
Për më tepër, Shala ka thënë se mungesa e liderit të AAK-së, Ramush Haradinaj është ndjerë për këtë parti, por edhe për politikën kosovare në përgjithësi.
Top Channel
