Jemen, luftë mes ushtrisë dhe Al Kaedës
28/12/2011 21:25
Forcat izraelite bombardojnë Libanin, raportohet për dhjetëra të vdekur e të plagosur 24/11 22:56
Dy ushtarë të forcave speciale jemenase dhe tre anëtarë të dyshuar të Al Kaedës kanë mbetur të vrarë në përleshje të regjistruara në jug të Jemenit.
Lajmin e kanë bërë të ditur autoritetet lokale, sipas të cilave përleshjet u verifikuan në periferinë lindore të qytetit të Zinxhibarit.
Sipas burimeve, të parët kanë qenë militantët që kanë qëlluar me mitralozë ndaj ushtarëve duke vrarë dy prej tyre dhe plagosur 7 të tjerë.
Këta të fundit kanë reaguar po me armë të rënda duke eleminuar tre anëtarë të rrjetit terrorist, që thuhet se e ka kthyer Jemenin prej kohësh në bastionin e tij.
Por, përvec luftimeve mes ushtrisë dhe Al Kaedës, Jemeni vazhdon të jetë i përfshirë nga protestat kundër regjimit të presidentit Ali Abdullah Saleh, edhe pse ky është tërhequr.
Në fillim të muajit situata u duk se do të qetësohej, pasi u emërua një qeveri e re e unitetit kombëtar, që zupozohej se do të nxirrte vendin nga kaosi ku është zhytur.
Por, vetëm katër ditë më parë, forcat e sigurisë qëlluan mbi një turmë demonstruesish duke vrarë 7 persona, bënë të ditur burime mjekësore lokale.
Aktualisht, autoritetet amerikane janë duke shqyrtuar një kërkesë për vizë udhëtimi të bërë nga Saleh, i cili u shpreh disa ditë më parë se do të ishte i gatshëm të largohej nga vendi për të qetësuar situatën.
Top Channel
