Në një ceremoni simbolike përpara godinës së qeverisë kosovare, Lëvizja
Vetëvendosje shpalli kandidaturat për cmimin “Politikani më i
besueshëm.”
Propozimet e kësaj lëvizjeje opozitare janë emrat e kryeministrit Hashim Thaci, zëvëndëses së tij Edita Tahiri dhe ministrit të Brendshëm Bajram Rexhepi. Aktivistët e Lëvizjes Vetëvendosje shpërndanë afishe me premtimet e parealizuara sipas tyre nga Thaçi, Rexhepi dhe Tahiri lidhur me shtrirjen e autoritetit shtetëror në gjithë territorin e vendit.
Aktivisti Frashër Krasniqi tha se “Kryemashtruesi i kësaj Qeverie, Hashim Thaçi ka kohë që i gënjen qytetarët e Kosovës’.
“Edhe në vitin 2008, tha Krasniqi, Hashim Thaci pati deklaruar se strukturat paralele do të shuhen. Ndërkohë që ne sot e kemi një shtet ku në një pjesë të territorit nuk funksionon fare Qeveria e Kosovës” u shpreh aktivisti i Vetevendosjes.
Afishet me premtimet e tre politikanëve, kandidatë për çmimin “Politikani më i besueshëm”, levizja Vetëvendosje i ka ngjitur në të gjitha rrugët e Prishtinës, por edhe në të gjitha komunat e Kosovës.
Top Channel
