Siri, ushtria vret mbi 70 dezertorë
20/12/2011 04:12
Në Barcelonë protestohet kundër rritjes së çmimeve të qirasë 24/11 11:49
Dhjetra dezertorë të ushtrisë janë vrarë nga trupat siriane, pasi ata u përpoqën të largohen nga bazat e tyre dhe të bashkohen me protestat kundër qeverisë, bën të ditur BBC.
Me bazë në Londër Observatori Sirian për të Drejtat e Njeriut tha se më shumë se 70 të larguarit u qëlluan në provincën veri-perëndimore Idlib.
Ngjarja ende nuk është verifikuar ende pasi si media e huaj është ndaluar të raportojë nga Siria.
Observatori tha se dezertorët u vranë në Idlib me një mitraloz të artilerisë së rëndë, pasi ata u përpoqën të iknin.
Incidenti është raportuar edhe nga aktivistë lokalë në terren në Siri.
Observatori citoi të mbijetuarit e plagosur të cilët pohuan se më shumë se 70 persona janë vrarë në provincë, një nga fortesat kryesore për dezertorët e ushtrisë.
Gjithashtu nga Observatori u bë e ditur se të paktën 13 protestues u vranë në Siri të hënën. Ndërsa kanë humbur jetën në luftimet me rebelët e armatosur edhe tre ushtarë të qeverisë në Idlib.
Më parë Damasku ra dakord për një marrëveshje me Lidhjen Arabe për të lejuar vëzhguesit të hyjnë në Siri.
Ministri i jashtëm sirian Valid Muallem tha se Liga Arabe i kishte pranuar ndryshimet e kërkuara nga Damasku.
Lidhja Arabe tha se një ekip i kulifikuar i vëzhguesish do të shkojë në Siri gjatë kësaj jave.
Top Channel
