Velipojë, prishen ndërtimet pa leje
15/12/2011 13:15
Kukës, bie prodhimi i mjaltit! Kanë ndikuar kushtet e motit dhe sëmundjet e bletëve 13/10 12:13
Një aksion masiv për prishjen e disa ndërtimve pa leje ka nisur të enjten në plazhin e Velipojës.
Janë 165 ndërtime që do prishen nga fadroma e policisë ndërtimore në bashkëpunim me komunën e Velipojës dhe mbështetjen e drejtorisë së policisë së Shkodrës.
Prishja e këtyre ndërtimeve, sipas drejtuesve të komunës, bëhet për t’i hapur rrugë investimit të kanalizimeve të ujërave të bardha e të zeza në plazhin e Velipojës, pasi në këtë zonë turistike nuk ekzistojnë kanalizimet.
Ky investim, i cili ka nisur muajt e fundit dhe është në fazën e parë, është financuar nga Banka Botërore me një shumë prej 8 milionë dollarë dhe në total kap shifrën e 15 milionë dollarëve.
Sot janë prishur 20 ndërtime, kryesisht rrethime dhe lokale, ndërkohë që aksioni do të vazhdojë dhe në ditët e ardhshme, deri në rrënimin e 165 objekteve të cilat janë planifikuar për t’u prishur.
Top Channel
