Spanjë, proces gjyqësor kundër Princit saudit
15/12/2011 15:50
Rrëzimi i avionit në Lituani, ngrihen dyshime se mund të jetë i lidhur me sabotim 25/11 22:20
Një gjykatë spanjolle dëgjoi të mërkurën dëshminë e një gruaje të re, e cila pretendon se është përdhunuar nga njeriu më i pasur në botë, Princi arabosaudit Alwaleed bin Talal.
Sipas avokatit që përfaqëson interesat e gruas, ajo u rrëmbye dhe u përdhunua në një jaht të ankoruar në portin e Ibizës në vitin 2008.
Princi dhe avokatët e tij mbrojtës nuk ishin prezentë në gjykatë, por nëpërmjet një komunikate kanë mbrojtur pafajsinë e sheikut, të cilin e cilësuan si “tërësisht të panjohur dhe të huaj” me ngjarjet për të cilat akuzohet.
Megjithatë, mbrojtja pretendon se ka dëshmi gjenetike që vërtetojnë përdhunimin dhe drogimin e gruas gjatë aktit. Ata i kanë kërkuar gjykatës që të urdhërojë Princin që të ekzaminohet për të bërë ballafaqimin e kodit gjenetik.
23-vjeçarja, me pasaportë spanjolle dhe gjermane, u shoqërua nga nëna në gjykatë. Ajo kërkon dëshmpërblim për traumën e pësuar dhe burgosjen e Princit.
Megjithatë, edhe nëse bin Talal do të rezultojë fajtor, nuk ka asnjë gjasë që ai të përfundojë pas hekurave. Spanja do t’i kërkojë autoriteteve arabo saudite ekstramin e manjatit të naftës në vend për vuajtjen e dënimit, por një kërkesë e tillë është e qartë që do të shpërfillej nga autoritetet.
Top Channel
