Britani, papunësia vazhdon të rritet

Sipas Zyrës Kombëtare të Statistikave, papunësia është rritur në 8,3% të popullsisë së aftë për punë dhe që po e kërkon një të tillë, nga 7,9% që ishte në tremujorin e mëparshëm.

Shumë shqetësuese mbetet papunësia e të rinjve, me më shumë se një milion të tillë, shifra më e lartë kjo që prej vitit 1992. Papunësia tek të rinjtë llogaritet në 22%.

Një situatë e tillë ekonomike po e bën gjithmonë e më të vështirë jetesën për emigrantët që jetojnë në ishull, ndërsa vihet re një tendecë për uljen e pagave.

Aktualisht, shteti po mban me asistencë 1,6 milion të papunë, një faturë tepër e rëndë për t’u paguar nga shteti. Ndërkohë, parashikimet e zymta për rritjen ekonomike nuk japin shpresë për një përmirësim të shpejtë të situatës.

Në tre muajt e fundit, midis 128 mijë personave që i janë bashkuar ushtrisë së të papunëve, dy në tre prej tyre janë meshkuj.

Top Channel