Sa të sigurt jemi në banesat tona?

Po t’i referohemi rasteve më të mediatizuara, do kujtojmë një tragjedi të ngjashme ne Berat, ku për shkak të pakujdesise gjatë momentit të gatimit, një 42 vjecar humbi jetën, ndërkohë që u plagosën bashkëshortja dhe mbesa e tij 10-vjecare.

Ndërkohë, një tjetër ngjarje e rëndë është ajo e këtij fillimviti, ku dy fëmijë u gjeten te djegur në një banesë në Vlorë, kësaj radhe për shkak të pakujdesisë me energjinë elektrike. Nje furnelë korenti e lënë ndezur gjatë natës ka shkaktuar zjarr dhe si pasojë humbjen e jetës së dy të miturve nga flakët.

Një viktimë tjetër e mitur, po këtë vit, është shënuar në një fshat të Malësisë së Madhe. 6-vjeçarja është shkrumbuar si pasojë e shkëndijës elektrike, e cila ka shkaktuar zjarr në ndërtesën ku jetonte familja e saj.

Po aq e tragjike ishte dhe ngjarja në Tropojë, ku janë djegur mes flakëve nënë e bijë dhe për fat të mirë kanë shpëtuar 4 personat e tjerë që ndodheshin në dhoma të tjera të shtëpisë.

Në Borsh të Sarandës, një çift të moshuarish humbën jetën ndërsa ishin duke fjetur. Kësaj radhe shkaktari është bombula e gazit.  

Ngjarja më e bujshme mund të konsiderohet ajo e humbjes së jetës së këngëtares së njohur Anita Bitri, së bashku me të ëmën dhe vajzën e saj të vogël, të cilët u gjendën pajetë në banesën e tyre në Nju Jork.

Jo vetëm familjet janë bërë viktima të zjarreve të shkaktuara nga bombulat e gazit apo energjia elektrike. Edhe institucione si shkolla në Pukë apo teatri Skampa janë shkrumbuar gjatë këtij viti nën damkën e këtyre dy “autoreve”. Por, cili është fajtori i vertetë: Pakujdesia, mungesa e informacionit, apo papërgjegjshmëria e autoriteteve?

Top Channel