F1, paqe Hamilton-Massa
28/11/2011 11:35
VIDEO/ Pesë humbje radhazi, Manchester City turpërohet me katër gola nga Tottenham, Chelsea dhe Arsenali nuk gabojnë 23/11 20:33
Lewis Hamilton dhe Felipe Massa kanë bërë paqe pas përfundimit të garës së fundit të botërorit të Formulës 1, të dielën në Brazil.
Pilotët e McLaren dhe Ferrari kanë pasur shumë “fërkime” në pistë gjatë këtij viti duke shkaktuar 6 aksidente mes tyre, në shumicën e rasteve me shkaktar pilotin britanik. Gjithsesi Massa është ai që u penalizua nga komisarët e pistës në Cmimin e Madh të Indisë.
Kur dukej se pushimet dimërore këta pilotë do t’i kalonin në armiqësi me njëri-tjetrin, Hamilton ishte ai që iu afrua bokseve të Ferrarit dhe përqafoi kolegun brazilian.
Të dy ishin të buzëqeshur dhe Hamilton u shpreh kështu për mediat britanike të pranishme në pistë: “Kam shumë respekt për Massa-n dhe po pres me padurim që ta sfidoj sërish në pistë vitin që vjen.”
Nga ana e tij, Massa theksoi: “Mu bë qejfi që Hamilton erdhi të më takonte. Ishte një gjest i bukur.”
Edhe në Brazil ekzistonte mundësia e një tjetër dueli të ashpër mes këtyre dy pilotëve kur për disa xhiro me radhë Hamilton po tentonte të parakalonte pilotin e Ferrarit, por gjithçka përfundoi kur makina McLaren pati probleme me kutinë e marsheve dhe britaniku u detyrua të tërhiqej nga gara.
Top Channel
