Liga Arabe shpall sanksionet ndaj Sirisë

Lajmin e bënë të ditur burime të brendshme për “CNN”, mëngjesin e ditës së dielë. Nga ana e saj, Agjensia Siriane e Lajmeve, “SANA”, paralajmëroi se “është ndërmarrë një procedurë kondradiktore me rregullat e bashkëpunimit ekonomik midis vendeve arabe dhe që synon të godasë vetëm popullin sirian”.

Masa e sanksioneve pritet të votohet më vonë gjatë të dielës. Më parë gjatë javës, Damasku zyrtar nuk i ktheu një përgjigje ultimatumit të vendosur nga vendet arabe. “Sirianët u përgjigjën vetëm me një kërkesë për të ndryshuar protokollin dhe detajet e kërkesave tona. Ata asnjëherë nuk dhanë një përgjigje zyrtare nëse i refuzonin apo i pranonin kërkesat”, deklaroi një diplomat i lartë.

Midis masave ndëshkuese ekonomike që pritet të vendosen është edhe heqja e lejes së fluturimit në 22 vendet që formojnë organizatën, për të gjitha kompanitë siriane. Gjithashtu, asetet që i përkasin qeverisë apo bizneseve të vendit do të ngrihen, ndërsa zyrtarët e lartë sirianë do të shpallen “non grata” dhe do të ndalohen të hyjnë në vendet e Ligës Arabe.

Në votimin për sanksionet, 18 shtete votuan pro, Katari abstenoi, ndërsa Siria, Algjeria dhe Iraku ishin të vetmet që votuan kundër. Sipas OKB-së, që prej lëvizjes për më shumë të drejta demokratike në vend, pothuajse 4 mijë persona kanë humbur jetën në përplasjet me forcat e rendit.

Siri, ushtria vret 10 civilë

Forcat e sigurisë siriane kanë vrarë 10 civilë, midis të cilëve një adoleshent 14-vjeçar.

Lajmi bëhet i ditur nga aktivistë për të drejtat e njeriut.

5 persona kanë vdekur në periferi të Homsit, ku kanë shpërthyer përleshje të dhunshme mes ushtrisë dhe grupeve të dezertorëve.

Agjensia e lajmeve Sana bën të ditur nga ana e saj se ushtarët e Damaskut kanë vrarë 12 persona të armatosur.

Top Channel