Meksikë, policët bojkotojnë punën

Vendimi është marrë pas kërcënimeve me vdekje të ardhura në adresë të tyre nga organizatat kriminale vendase.

Siguria e qytezës me 10 mijë banorë ka kaluar përkohësisht nën kontrollin e ushtrisë, ndërkohë që selia e Drejtorisë së Sigurisë Publike është mbyllur.

Aksioneve të policisë që kanë rezultuar me konfiskimin e drogës dhe parave të narkotrafikantëve, kartelet u janë përgjigjur duke vrarë në masë forcat e rendit.

Praktika e preferuar e grupeve krimianle është prerja e kokave të agjentëve dhe hedhja e tyre para komisariateve të policisë.

Që nga zgjedhja si kryetar shteti, presidenti meksikan Felipe Calderon ka angazhuar ushtrinë për të luftuar kartelet e drogës.

Por dhuna në vendin latin nuk ka ardhur në rënie, por përkundrazi, vetëm në pesë vitet e fundit llogaritet të jenë vrarë rreth 40 mijë persona.

Gjithashtu, një goditje e rëndë për fushatën e Calderon kundër drogës ishte vdekja e ministrit të Brendshëm meksikan, në një aksident ajror disa ditë më parë.

Gjithësesi, së fundmi ushtarët meksikanë i dhanë një goditje jo pak të fortë krimit të organizuar, njëherë duke bllokuar 15.3 milionë dollarë dhe njëherë tjetër duke zbuluar një tunel për transportin e kokainës drejt Shteteve të Bashkuara.

Top Channel