Humbën jetën në kampet naziste
20/11/2011 20:30
Debate në KLP, Tiranës dhe Elbasanit i mungojnë 51 prokurorë
18/07 21:17
Ashtu si cdo 20 nëntor edhe këtë vit janë përkujtuar në Durrës të rinjtë që u internuan në Mathauzen dhe kampet e tjera të përqëndrimit nga nazistët gjatë Luftës së Dytë Botërore.
Drejtues të pushtetit vendor, veteranë e familjarë të tyre kanë bërë homazhe dhe vendosur kurora me lule pranë memorialit të ngritur në Shkozet në nderim të sakrificave të atyre që u persekutuan dhe u internuan në kampet e shfarosjes masive gjatë pushtimit nazist.
Pjesmarrësit kujtuan atë mëngjes të largët të 20 nëntorit të vitit 1943, kur qytetarët durrsakë përjetuan bastisjen e shtëpive dhe marrjen me forcë të bijve të tyre nga nazistët.
Pikërisht aty ku sot ngrihet memoriali u sollën me dhunë të rinjtë durrsakë, të cilët i hipën nëpër kamionët e ushtrisë gjermane duke i dërguar fillimisht në burgun e Tiranës dhe po atë ditë i nisën drejt kampeve të internimit në Prishtinë, Mathauzen, Zemun, Dakau etj.
Në pllakat memorative në varrezat e dëshmorëve të qytetit janë 43 emra të rinjsh që u vranë në kampet e Zemunit dhe Mathauzenit.
Top Channel
