Cristiano Ronaldo u shpreh se fakti që Real Madrid është para Barcelonës në renditjen e kampionatit spanjoll të futbollit motivon edhe më shumë atë dhe shokët e tij të ekipit.
“Është e rëndësishme të jesh para Barcelonës. Kjo gjë na motivon. E kemi nisur mirë kampionatin dhe duam të vazhdojmë kështu deri në fund për të luftuar për tre tituj: Ligë Kampionesh, kampionatin spanjoll dhe Kupën e Mbretit”, tha sulmuesi portugez gjatë prezantimit të linjës së tij të veshjeve në bashkëpunim me ‘Nike’.
“Ne po luajmë mirë dhe po fitojmë, të njëjtën gjë po bën edhe Barcelona. Duhet të luajmë edhe shumë ndeshje të tjera para se të vijë Klasikja. Nuk mendoj për hakmarje ndaj katalanasve, por për fitore në mënyrë që të arrijmë objektivat”, shtoi numri 7 madrilen.
Përsa i përket Topit të Artë FIFA, Cristiano Ronaldo u përgjigj shkurt: “Për momentin nuk më intereson fare.”
Top Channel
