Tre luftëtarë të tribusë Zauiah kanë mbetur të vrarë në një luftim me një fraksion tjetër të armatosur në rajonin Al Maja, në Libi.
Lajmin e bën të ditur një zyrtar lokal, i cili ka saktësuar se zona e luftimit ndodhet 27 kilometra në lindje të Tripolit.
Përlëshjet shpërthyen pasi anëtarët e tribusë Uercefana ngritën postoblloqe përgjatë rrugës që të con në Zauiah, duke penguar kalimin e banorëve.
Ndërkohë, një anëtar i fraksionit Uercefana ka deklaruar se luftimet shpërthyen për të marrë nën kontroll ish-kazermën e Khamis Gaddafi-t.
Ashtu sic kishin paralajmëruar shumë analistë të cështjeve ndërkombëtare, Libia nuk do të ketë një tranzicion të lehtë.
Luftimet mes tribuve ishin paralajmëruar, pasi anëtarët e tyre janë të mirëarmatosur dhe do të përpiqen të vendosin supremacinë e tyre.
Gjithashtu, sipas analistëve, në vend ndodhen ende milici besnike ndaj kolonelit të vrarë Muammar Gaddafi, të cilat mund të organizohen nga djemtë e tij që shpëtuan.
Autoritetet e Nigerit fqinj njoftuan të premten se do t’i ofrojnë azil Saadi-t, me argumentin se në rast të kundërt ai mund të ketë të njëjtin fat tragjik me të atin.
Top Channel
