GP i Abu Dhabi-t, Vettel në pole position
12/11/2011 00:00
Pas dy gabimeve trashanike ndaj Atletico Madrid, De Gea del në mbrojtje të portierit të Tottenham 11/03 00:40
Më në fund ia del mbanë Sebastian Vettel jo vetëm të marrë Pole Position
në Cmimin e Madh të Abu Dhabi-t duke regjistruar kohën më të shpejtë në
provat zyrtare, por edhe të barazojë rekordin e Nigel Mansell me 14
pole position brenda një sezoni, duke pasur shansin që ta përmirësojë
atë në garën e fundit të këtij kampionati në Brazil.
Gjithesesi është treguar perfekt piloti gjerman i skuadrës Red Bull, i cili vetëm në momentet e fundit renditet i pari, duke i shuar entuzjazmin Lewis Hamilton e skuadrës McLaren që deri në ato momente ishin më të shpejtët.
Edhe me këtë vend të dytë, britaniku i McLaren-it ka shanse të mira për garën, ndërkohë që në të njëjtat pozita duket edhe shoku i tij i skuadrës, Jenson Button, i cili starton garën e Abu Dhabi-t nga linja e dytë bashkë me pilotin tjetër të skuadrës Red Bull, Mark Webber që regjistroi vetëm kohën e katërt më të shpejtë.
Pas tyre në linjën e tretë dy makinat Ferrari kanë dueluar me veten, duelin e skuadrës italiane sigurisht e ka fituar Fernando Alonso me kohën e pestë më të shpejtë, ndërsa shoku i tij Felipe Masa u rendit në vendin e gjashtë. Duelet spektakolare në këtë fundjavë kanë filluar që në provat e lira e zyrtare, duke premtuar për një garë edhe më të bukur, e cila do të transmetohet ditën e diel, si gjithmonë në Top Channel duke filluar nga ora 14:00.
Top Channel
