Real Madrid ka fituar me rezultatin e thellë 7-1 ndaj Osasunës në ndeshjen e javës së 12 të Ligës BBVA, të zhvilluar në orën 12.00 të ditës së dielë.
Tre gola Cristiano Ronaldo, 2 gola Karim Benzema dhe golat e Gonzalo Higuain dhe Pepe i dhanë trepikëshin e radhës madrilenëve duke i siguruar vendin e parë edhe për këtë javë, pavarësisht rezultateve të tjera.
Angel Di Maria dha tre pasime për gol para se të linte fushën për shkak të një dëmtimi.
Gjithashtu, debutoi për herë të parë në këtë sezon me fanellën e Real Madrid edhe Nuri Sahin, mesfushori turk i ardhur nga Borussia Dortmund.
Ndeshjet e tjera të javës së 12 të kampionatit spanjoll të futbollit që do të luhen sot janë: Granada – Racing Santander, Zaragoza – Sporting Gijon, Espanyol – Villarreal, Rayo Vallecano – Real Sociedad, Athletic Bilbao – Barcelona dhe Getafe – Atletico Madrid.
Top Channel
