Cassano operohet në zemër
04/11/2011 10:15
VIDEO/ Pesë humbje radhazi, Manchester City turpërohet me katër gola nga Tottenham, Chelsea dhe Arsenali nuk gabojnë 23/11 20:33
Futbollisti i Milanit, Antonio Cassano, iu nënshtrua me sukses një operacioni në zemër mëngjesin e së premtes, disa ditë pasi ai u diagnostikua me një ishemi në tru.
Pas analizave të detajuara, u zbulua se ishte një çrregullim i vogël në zemër ai që kishte krijuar problemin. 31-vjeçari u operua në një klinikë në Milano, në një ndërhyrje që zgjati vetëm 35 minuta. Në buletinin mjekësor, informohet se operacioni ka qenë i suksesshëm dhe se futbollisti mund t’i rikthehet përsëri futbollit, pas një terapie të gjatë riaftësuese.
Në një komunikatë të publikuar ndërkohë në faqen e klubit, përmblidhen urimet e shokëve të skuadrës dhe trajnerit Allegri.
Besohet se Cassano do të qëndrojë jashtë fushave të futbollit për një periudhë midis 4-6 muaj. Ndërkohë, Milani ka nisur të mendojë për blerjen që është i detyruar të kryejë në janar, pasi pa Inzaghin dhe të riun El Sharawi, reparti ofensiv ka vetëm tre futbollistë që japin garanci (Ibrahimovic, Pato dhe Robinho).
Top Channel
