Flamuri shqiptar, maqedonasit e zvogëlojnë

Sipas RDK-së në këtë mënyrë  nëpërkëmbet flamuri kombëtar dhe shqiptarëve u jepet mesazhi se se njësoj si flamuri i tyre i cili është i shtresës të dytë, edhe ata janë qytetarë të shtresës të dytë. “Ky është vetëm një nga dështimet e radhës të BDI-së të cilat prodhojnë pasoja që shumë vështirë mund të riparohen,” shkruhet në reagimin e Rilindjes Demokratike Kombëtare.
 
Sipas ligjit më të ri për përdorimin e simboleve etnike,  në komunat ku shqiptarët përbëjnë më shumë se 50% të popullatës, mund të përdoret edhe flamuri i tyre kombëtarë, por vetëm nëse përmsat e tij janë një të tretat më i vogël se sa ai shtetëror maqedonas. Nga RDK-ja thonë se në objektin e Komunës së Gostivarit, ku udhëheq kryetari i tyre Rufi Osmani, nuk zbatohet ligji i ri dhe se flamujt e vendosur aty janë me dimensione të njëjta.

Top Channel