Marat Safin, edhe pse është tërhequr prej 2 vitesh nga tenisi, vazhdon të përflitet në ambientet e këtij sporti. Rusi ka marrë një cmim të vecantë nga drejtuesit e ATP, për vendosjen e një rekordi të paprecedent, thyerjen e 1055 raketave gjatë gjithë karrierës së tij.
Ceremonia e dorëzimit të këtij trofeu u zhvillua në Kinë ku do të zhvillohet ATP Champions Tour ku përvec Safin marrin pjesë edhe emra të tjerë të njohur të tenisit Botëror si Sampras, Filipusis, Moja dhe Enkvist.
Ndërkohë, Safin duke përfituar nga momenti bëri edhe një deklaratë tjetër, atë të përfshirjes në garën elektorale në zgjedhjet për parlamentin e ri në Rusi.
“Jam në garë për zgjedhjet federale në Rusi. Ato do të zhvillohen në 4 dhjetor dhe për mua do të jenë një sfidë e madhe. Mendoj se jam një person inteligjent, kam shumë ide të reja për të propozuar”, tha tenisti rus.
Top Channel
