Ethet e derbit të Italisë
28/10/2011 18:05
Presidentin e Real Madrid e lënë nervat, sulmon Shqipërinë për “Topin e Artë. Ja si e “përgënjeshtron” Besnik Dizdari 24/11 21:11
Këtë fundjavë e gjithë vëmendja në kampionatin italian është e përqendruar tek sfida mes Interit dhe Juventusit. Ai që e përjeton në mënyrë të vecantë këtë supersfidë është pikërisht Andrea Pirlo, i cili më parë është përballur me zikaltrit kur ishte futbollist i Milanit.
Kjo ndeshje vjen në një moment jo të mirë për Interin që është i shkëputur ndjeshëm nga skuadrat kryesuese të Serisë A dhe sipas Pirlos kjo situatë ka një efekt të cuditshëm.
‘Të shohesh Interin në një gjendje të tillë është disi e habitshme. Pas kaq vitesh në majat më të larta të futbollit italian dhe atij evropian, nuk e mendon se një skuadër e tillë është në vështirësi. Gjithsesi në ndeshjen e kësaj fundjave, Interi do të luajë për të fituar me cdo kusht ndaj nesh”, thotë Pirlo.
Ajo që të bie në sy në këtë ndeshje është se do të mungojnë portierët e të dy skuadrave, Bufon dhe Zhulio Sezar, për arsye dëmtimi. Portieri i kombëtares italiane po kërkon të riaftësohet sa më shpejt që të jetë e mundur, por Konte nuk dëshiron ta rrezikojë këtë fundjavë. Ndërsa Zhulio Sezar që u dëmtua në ndeshjen me Atalantën, pritet të qëndrojë jashtë fushave 1 muaj.
Conte: Ndaj Interit, ndeshje si të tjerat
“Ajo kundër Interit do të jetë një ndeshje e madhe ndaj një skuadre të madhe, por në fund të fundit vlen vetëm 3 pikë”.
Antonio Conte, trajneri i Juventusit, është shprehur kështu në prag të ndeshjes Inter-Juventus, që do të luhet të shtunën në orën 20.45. Tekniku bardhezi kërkon të ulë tensionin tek lojtarët e tij para supersfidës së Serisë A.
“Inter është një ekip i konsoliduar dhe janë favoritë jo vetëm për ndeshjen ndaj nesh, por edhe për fitimin e titullit kampion. Kam pasur vetëm pak ditë për të përgatitur ndeshjen, por jemi gati”, shton Conte.
Inter, Ranieri: Arbitrat do të tregohen të kujdesshëm
Edhe trajneri i Interit, Claudio Ranier, është shprehur se ndeshja ndaj Juventusit nuk do të jetë ndeshja më e rëndësishme e sezonit zikaltër.
“Ndeshja e së shtunës vlen tre pikë, si gjithë të tjerat. Nuk është shansi i fundit i Interit, por një ndeshje e rëndësishme për ne”, tha Ranieri në konferencën e shtypit.
Tekniku zikaltër i është rikthyer ankesave për 5 penalltitë që janë dhënë kundër Interit në 8 ndeshjet e Serisë A: “Nëse do të vazhdohet kështu do të përfundojmë sezonin me 25 11-metërsha kundër. Por, mendoj se arbitrat do të tregohen më të kujdesshëm.”
Top Channel
