BE “shkëput” Kosovën nga Serbia
28/10/2011 21:30
Analiza/ Kosova në tellallët rusë dhe nevoja për strategji efikase 24/11 18:35
Bashkimi Evropian tashmë në hartën e saj zyrtare e ka shkëputur Kosovën nga Serbia.
Në faqen zyrtare të internetit të BE-së, Europa.eu, figuron harta e Serbisë si shtet, pa Kosovën si pjesë përbërëse të saj.
Në informatat e paraqitura në këtë website, BE saktëson se Serbia ka një sipërfaqe prej 77.474 kilometra katrorë, ndërkohë që në wbsite-n zyrtare të qeverisë së Serbisë shkruhet 88.361 kilometra katrorë.
Në të njëjtën kohë, edhe numri i banorëve të Serbisë është pa Kosovën. Mediat serbe, me të zbuluar këtë informatë, kanë kontaktuar Ministrinë e Jashtme serbe, e cila ka thënë se do të kërkojë nga Brukseli sqarim zyrtar për këtë rast.
Pavarësia e Kosovës, e shpallur më 17 shkurt të vitit 2008, është pranuar nga 22 shtete anëtare të Bashkimit Europian. Spanja, Rumania, Sllovakia, Qipro dhe Greqia refuzojnë ta njohin.
Top Channel
