Televizionet arabe pretendojnë se kanë gjetur vend-varrosjen e Gadafit në shkretëtirë. Në disa prej tyre janë transmetuar pamje ku tregoheshin gjurmë të një kalvari makinash, të cilat dyshohet se kanë transportuar trupin e Gadafit dhe të djalit të tij, të varrosur në fshehtësi në orët e para të ditës së martë.
Varrosja e Gadafit i dha fund dilemës së udhëheqësve të Këshillit Kombëtar Tranzitor, autoriteti udhëheqës në Libi, se cfarë të bënte me trupin e ish-diktatorit. Pas vrasje së Gadafit të enjten e kaluar, u hodhën mjaft hipoteza për mënyrën e varrosjes së tij, madje në qarkullim ishte edhe ideja e varrosjes në det, e njëjtë me atë të ish-kreut të Al Kaedas, Osama Bin Laden.
Ndërkohë, familjarët e Gadafit kërkuan vazhdimisht që ai të varrosej në afërsi të vendlindjes së tij, Sirte, qytet ky që u shndërrua në fortesën e fundit të kolonelit ndaj trupave të kryengritësve.
Top Channel
