Juventus i rikthehet fitores
25/10/2011 22:35
VIDEO/ Pesë humbje radhazi, Manchester City turpërohet me katër gola nga Tottenham, Chelsea dhe Arsenali nuk gabojnë 23/11 20:33
Pas dy barazimeve radhazi, Juventusi rikthehet të fitorja dhe këtë e bën në ndeshjen e luajtur në “Juventus Stadium” në Torino përballë Fiorentinës.
Bardhezinjtë fituan me rezultatin 2-1. Ai që shënon i pari ishte mbrojtësi Bonuci që në minutën e 13-të të takimit. Megjithë përpjekjet për gjetjen e golit të dytë, pjesa e parë u mbyll 1-0. Pjesa e dytë nis më mirë për Fiorentinën. Miqtë sulmojnë disa herë rrezikshëm dhe frutet e lojës së tyre i marrin në minutën e 58-të kur Jovetic shënon një super gol.
Barazimi zgjati për pak minuta pasi në të 65-n, Juventus kalon sërish në avantazh me anë të Alesandro Matrit, gol ky që vulosi takimin.
Pas kësaj fitoreje, Juventus merr përkohësisht kryesimin në renditjen e Serisë A, në pritje të zhvillimit të takimeve të tjera që luhen të mërkurën në mbrëmje, ku Udineze do të udhëtojë në Napoli, ku e pret sfida e vështirë me vendasit, Milani pret Parmën në San Siro, ndërsa Interi do të përballet në transfertë me Atalantën.
Top Channel
