Piknik në buzë të greminës

Të rinjtë u afruan duke u zvarritur deri në buzë të shkëmbit, për të shijuar atje sanduiçët që kishin marrë, përballë një prej pamjeve më të mrekullueshme, por njëkohësisht edhe më të rrezikshme në botë.

Një fotograf profesionist, i ndodhur në vendngjarje për të fotografuar natyrën, u befasua kur pa dy njerëz në buzë greminës dhe i shkrepi atyre disa fotografi, të cilat bënë xhiron e botës në mediat ndërkombëtare.

Identiteti i çiftit mbetet i panjohur. Ata u panë duke u përqafuar dhe duke shkëmbyer një puthje, përpara se të riktheheshin në sipërfaqe të sigurt përsëri duke u zvarritur tokazi.

Pa e kuptuar, të rinjtë realizuan një arritje me të vërtetë të pabesueshme, duke qëndruar për minuta të tëra buzë shkëmbit, ku parashutistë që janë hedhur e kanë patur të vështirë të qëndrojnë në këmbë qoftë disa sekonda të vetme, për shkak se vendi është shumë i ekspozuar nga erëra shumë të forta.

FOTO GALERI

1/2

Top Channel