Kosovë, kuvendi përkrah operacionin në veri
21/10/2011 00:00
Dy deputetë të tjerë braktisin partinë e Albin Kurtit, zbulohet përplasja 01/10 19:01
Deputetët e Kuvendit të Kosovës përkrahin operacionin e KFOR-it dhe EULEX-it në veri të vendit për heqjen e barrikadave.
Ndërkohë ligjvënësit kosovar kanë dënuar dhunën e ushtruar ndaj paqeruajtësve të KFOR-it nga ana e serbëve lokalë.
Kryeministri Hashim Thaçi ka deklaruar në Kuvend se veprimi i KFOR-it dhe EULEX-it është në koordinim të plotë me institucionet vendase. Ai ka theksuar se angazhimet e Qeverisë dhe institucioneve ndërkombëtare do të jenë vazhdimisht në drejtim të rendit dhe ligjit dhe për këtë ai ka shprehur besimin e plotë se do të ketë sukses. Në të njëjtën kohë edhe opozita ka përshëndetur veprimet e KFOR-it dhe EULEX-it.
Por, sipas deputetëve të opozitës situata në veri jep një mesazh për të pafuqisë së institucioneve vendase për kontrollimin e kësaj pjesë të Kosovës.
KFOR-i merr nën kontroll rrugën e Adriatikut
Nata e kaluar në veri ka qenë e qetë, por nën tensione. Në barrikadën në Jegenicë, ushtarët e KFOR-it dhe banorët serbë kanë qëndruar përballë njëri-tjetrit.
KFOR-i ka arritur që rreth orës 1.00 të mëngjesit të së premtes të vendosë nën kontroll gjithë rrugën e Adriatikut, duke përfshirë këtu edhe fshatit Zupç.
Kurse në Bërnjak forcat e KFOR-it kanë marrë vendkalimin dhe kanë zgjeruar zonën e kontrollit.
Nëpër këto pjesë vërehen forca të shtuara të ushtarëve të KFOR-it, ndërkohë që gjithçka që kalon në këtë drejtim i nënshtrohet një kontrolli të rreptë të tyre.
Operacioni i KFOR-it ka nisur që të enjten në mengjes, duke larguar fillimisht barrikadat në Bërnjak, duke vendosur kontrollin e tij.
Pak minuta më vonë, në Cabër filluan të mbërrijnë edhe kolonat e para të KFOR-it. Janë mbi 300 automjete të ndryshe, ndërsa betoni mbi urën në hyrje të Zupces është hequr pa problem dhe tani rruga është e hapur.
KFOR-i ka arritur 3 km përtej rrugës se fshatit Cabër duke iu afruar barrikadës së madhe. Këtu raportohet se KFOR ka vendosur edhe tela me gjemba.
Gjatë ndërhyrjes në Jagjenicë, KFOR-i është sulmuar me gurë nga turmat e serbëve cfarë ka sjellë edhe 8 të lënduar në radhet e forcës shumëkombëshe.
Gazetarja e Top Channel Arta Berisha raportoi se mbi fshatin Cabër në kodrën më të lartë, në vijë ajrore rreth 800 metra nga barrikada e Zupces dhe Jagonicës është vendosur KFOR-i gjerman dhe austriak dhe se shihen përgatitje për ndërtimin e një kampi afatgjatë.
Top Channel
