Amnistia, nuk zgjatet afati
15/10/2011 00:00
Pagesa më të lira në banka! Hyrja e Shqipërisë në SEPA, vitin e parë kursehen 20 milionë euro
23/11 15:07
Ministria e Financave ka bërë për herë të parë publike shifrat për ecurinë e amnistisë tani që procesi ndodhet në mes të afatit.
“Deri më sot konstatojmë se ka rreth 400 milion lekë të legalizuara, që i korespondon një tatimi prej rreth 12 milion lekësh. Gjithashtu interesante është edhe legalizimi i pasurisë së paluajtshme. Janë rreth 30 miliard lekë tashmë të legalizuara që i korespondojnë rreth një tatimi prej 300 milion lekësh”, tha zv/ministri i Financave, Alfred Rushaj.
Zëvendësministri i Financave thotë se muajin e fundit është vënë re një rritje e interesit të bizneseve dhe individëve për të përfituar nga amnistia. Ndaj sipas tij nuk ka arsye që afatet të shtyhen.
“Individët tashmë kanë filluar aplikimin në masë për pasuritë e paluajtshme, kanë filluar të shtohen aplikimet për legalizimin e cash-it, ndërkohë që nga bizneset mendojmë që koha që kanë patur dhe që kanë në dispozicion është e mjaftushme nëse do të mund të llogarisin të aplikojnë në kohë pranë administratës tonë”, deklaron zoti Rushaj.
Procesi i amnistisë pëfundon në fund të vitit. Shoqatat e biznesit kanë kërkuara kohët e fundit shtyrjen e afatit për amnistinë duke pretenduar se nuk kanë patur kohën e nevojshme për përpilimin e bilanceva dhe dokumentave të tjera shoqëruese, por edhe janë stepur edhe nga një ndëshkim i mundshëm pas mbylljes së amnistisë.
Top Channel
