Flamuri i ri libian është ngritur sot në afërsi të selisë së Kombeve të Bashkuara, në Gjenevë, në përfundim të një ceremonie të shkurtër në prezencë të ambasadorit libian në OKB.
Simboli i ri kombëtar është i përbërë nga tre fusha horizontale, të kuqe, të zezë dhe jeshile që simbolizojnë rajonet historike Tripolitania, Cirenaica e Fezzan, dhe një gjysmëhënë me një yll i bardhë në qendër.
Ceremonia është ngritur me kërkesë të autoriteteve libiane.
Gaddafi: Ngjarjet në Libi, një farsë
Lideri libian Muammar Gaddafi i ka cilësuar si “një farsë” evenimentet që po zhvillohen në Libi dhe i ka bërë thirrje popullit që të mos i besojë “ndryshimit të regjimit”.
Në një mesazh audio të transmetuar sot nga televizioni sirian Al Rai, koloneli ka deklaruar se sistemi i pushtetit në Libi bazohet tek vullneti i popullit dhe për rrjedhojë nuk mund të lëvizet.
Më pas ai ka theksuar se avionët e NATO-s në një pikë të caktuar nuk do të jenë më në gjendje të vazhdojnë operacionet e tyre në Libi.
Top Channel
