Gjyqtarët, të gjithë në protestë

Duke qene se gjykatesit e kane te ndaluar me ligj greven, bllokimi i punes ne mesdite e kordinuar ne te njejten kohe ne te gjithe Shqiperine, eshte me shume edhe nje menyre proteste e heshtur, per te nxitur zbardhjen sa me shpejt te vrasjet të kolegut te tyre dhe gjithashtu te parit gjykates te vrare ne Shqiperi.

Top Channel ndoqi bojkotimin e gjyqeve ne te gjitha gjykatat, si dhe ne Tiranë, ku gjykatesit boshatisen sallat dhe u mbyllen ne zyra.

Gjykata e Lartë ka bere te ditur me ane te nje njoftimi zyrtar bashkimin njezeri me te gjithe gjyqtaret e Shqiperise ne nderim te gjyqtarit Konomi. ‘Me ane te kesaj proteste te heshtur,- thuhet ne deklarate,- gjyqtarët i bejne thirrje opinionit publik, qe t’i ofrojne pushtetit gjyqsor solidaritetin e mundshëm”.

“Kjo protestë e heshtur është një homazh në nderim të kolegut tonë, mikut, njeriut të mirë, babait të dy fëmijëve, Skerdilajd Konomi. Kjo protestë ka për qëllim sensibilizimin e organeve kompetente për të punuar fuqimisht me të gjithë autoritetin që jep ligji në zbardhjen e kësaj ngjarje, për t’i vënë autorët e këtij akti terrorist para drejtësisë”, thotë Gerd Hoxha, gjykatës, anëtar i Unionit të gjyqtarëve të Shqipërisë.

Nderkohe nga nje vezhgim i Top Channel neper gjykata eshte verejtur se shumica e gjyqtareve kane frike pas shperthimit te makines se Skerdilajd Konomit dhe vrasjes se tij ne syte e publikut ne mes te dites dhe ne mes te qytetit te Vlores. Te kontaktuar nga Top Channel pjesetare te grupit hetimor pohuan se nuk kane asnje gjurme nga ky egzekutim i sofistikuar dhe mafioz dhe po punohet mbi te gjitha pistat e mundshme. E vetmja shprese thane hetuesit per momentin eshte zbardhja e tabulateve telefonike.

Hetimet, mblidhen dosjet e Konomit

Grupi hetimor i kryesuar nga prokurorë të Krimeve të Rënda, kanë administruar të gjitha dosjet e gjykuara prej tij, si dhe ato qe i ndjeri kishte ende ne proces.

Hetuesit dhe policia e Vlores kane marre ne pyetje dhjetra deshmitare okulare qe ishin te pranishem ne bulevardin kryesor te qytetit ne castet kur ndodhi shperthimi i mjetit me te cilin po udhetonte gjykatesi Konomi. Burime policore dhe të aferm te Konomit thane se jane marre gjithashtu ne pyetje edhe persona te njohur te tij, per te hedhur drite mbi ndonje konflikt te mundshem per te cilin gjykatesi mund ta kishte rrefyer, por nuk dihet ende nese mbi keto deshmi mund te jene marre te dhena te nevojshme per hetimet.

Ajo qe konfirmohet eshte se hetimet kane nisur per pisten per vrasje per shkak te detyres, pavaresisht se per dyshimet e egzekutimit per shkak te detyres nuk ka ende te dhena konkrete, te pakten publikisht. Por hetimet duket se do te shtrihen edhe ne pista te tjera.

Skerdilajd Konomi, gjyqtar i Shkallës së Parë në Gjykatën e Vlorës është vrare te premten nga një shpërthim eksplozivi në bulevardin kryesor të qytetit të Vlores.

33-vjecari,i martuar, baba i dy femijeve 4 dhe 1 vjec, mesohet se ishte nisur per te shkuar ne pune me mjetin e tij kur ndodhi shperthimi brenda ne makine ne ecje e siper. Ne momentin e shperthimit prane tij nuk ka patur mjete te tjera. Shperthimi i forte ka shokuar kalimtaret qe kane pare ne mes te bulevardit nje automjet qe vazhdonte te ecte per inerci pasi shpertheu. Disa prej tyre vrapuan per te nxjerre nga makina drejtuesin e mjetit. I ndjeri ishte ende gjalle kur kalimtaret perpiqeshin te hapnin dyert e shkaterruara.

Per shkak te demtimit te kembeve qe kishin ngecur ne pjeset e demtuara te mjetit, trupi nuk u be e mundur te largohej menjehere nga mjeti, i cili pak sekonda me pas u perfshi nga flaket.

Eshte dashur nderhyrja e zjarrefikesve qe te shuajne flaket qe shperthyen ne automjetin e shkaterruar nga eksplozivi. Pasi zjarrfikesit evituan ndonje shperthim tjeter te mjetit, policet dhe kalimtaret terhoqen trupin e gjytarit te ri nga mjeti. Pa pritur ende mberritjen e ambulances dhe mjekeve, policet transportuan per ne spital te riun, i cili mesohet se humbi jeten me pas per shkak te plageve te medha dhe djegieve te trupit.

Atentat mafioz

Verifikimi i targës së automjetit bëri shpejt të qartë për policinë se bëhej fjalë për një ngjarje shumë më të rëndë se atentatet që kishin ndodhur më parë në Vlorë. Skena e krimit ishte pothuaj identike me atë të ndodhur më herët këtë vit në Skelë, por viktima bënte ndryshimin.

Ekspertët më të mirë të Policisë së Shtetit u gjendën shpejt në vendin e ngjarjes dhe konstatuan se në makinën e gjyqtarit Skerdilajd Konomi ishte vendosur një sasi e konsiderueshme lënde plasëse dhe shpërthimi ishte komanduar në distancë. Pak orë më vonë, hetuesit mësuan një fakt tjetër që i vuri vulën klasifikimit të këtij krimi si atentat i tipit mafioz.

Gjyqtari Konomi kishte blerë përpara pak kohësh një makinë të re, një “Mercedes Benz” të kushtueshëm, ndërsa Mercedesi me të cilin lëvizte dje, përdorej zakonisht nga bashkëshortja e tij. Por një ditë përpara atentatit, dikush i kishte çarë me thikë gomat e “Mercedesit” të ri, duke e detyruar gjyqtarin që banonte në zonën e Ujit të Ftohtë, të përdorte makinën e vjetër për të shkuar në punë. Ekspertët e policisë thonë se në makinën e re të gjyqtarit, për shkak të sistemeve moderne të sigurisë, ishte e vështirë të vendosej një bombë, ndërsa në makinën e vjetër, vendosja e një bombe mund të konsiderohej “punë fëmijësh”.

Top Channel