PS: Berisha do të vjedhë Shalën

Nuk dihet ende se kush do të jetë trupa e gjyqtarëve që do të shqyrtojë ankmimin këtë të premte. Një veprim të tillë ndërkohë që është shpallur fitues kandidati i Pastisë Socialiste për të majtët, shihet si një tentativë e hapur për të rrëmbyer këtë mandat.

Deputeti Taulant Balla nga selia rozë mesditën e së mërkurës, ka akuzuar direkt kryeministrin Sali Berisha si ideatorin e kësaj vjedhjeje.

“Sali Berisha, partia dhe makinareia e tij zgjedhore, po mbajnë peng rezultatin përfundimtar të zgjedhjeve, sepse duan të vjedhin edhe mandatin e komunës Shalë. Pasi keqpërdori ditën e zgjedhjeve, policinë e shtetit, me helikotperë e forca speciale, pasi numëroi vet votat me Ristanin, pasi gjithë shqiptarët e panë fitoren e kandidatit tonë në Shalë, Saliu nuk po pranon humbjen dhe po rivë në veprim skemën e “vjedhjes në bashkëpunim” të një mandati përmes KQZ-së dhe Kolegjit Zgjedhor”, ka deklaruar Balla.

Pas Tiranës komuna Shalë në rrethin e Shkodrës ishte më problematikja për zgjedhjet e pushtetit vendor. Dështimi i mbajtjes së zgjedhjeve për tre hërë rresht do të merrte fund të dielën e 21 gushtit, kur 2.800 zgjedhësve iu dha mundësia për të votuar.

Debatet do të ishin përsëri prezente në përfundim të votimit se ku do të numëroheshin kutitë e votimit.

Socilialistët e kundërshtuan numërimin në KQZ, por vendimi i këtij institucioni me shumicë votash realizoi dëshirën e demokratëve që numërimi të zhvillohej në Tiranë edhe sic ndodhi ku kandidati Balë Vuksani nga Aleanca për të Ardhmen, u shpall fitues me 3 vota më shumë se kandidati rival Dedë Tonaj.

Nëse Kolegji Zgjdhor do t’i japë të drejtë ankesës së PD për pavlefshmëri, që automatikisht e con Shalën për të pestën herë në votim, do të thotë përsëri miliona lekë shpenzime plus atyre të shpenzuara për forcat speciale që garantuan rendin përpara dhe pas votimit.

Top Channel