Gripi i shpendëve po jep shenja të një rishfaqjeje të mundshme, në një kohe kur një shtam mutant i virusit, i afte t’i rezistojë vaksinave, rrezikon të përhapet nëpër Azi.
Organizata Botërore e Shëndetësisë thotë se virusi që po qarkullon aktualisht në Vietnam, ku prej tij kanë ndërruar jetë 8 persona, kërcënon edhe Tajlandën, Malajzinë dhe Kamboxhian. Efekti mbi njerëzit, sipas ekspertëve, nuk mund te parashikohet.
Që prej vitit 2003, gripi i shpendëve ka marre 331 jetë njerëzish. Virusi është asgjesuar në pjesën më të madhe të 63 vendeve të infektuara në 2006-n, kur u verifikuan 4 mijë raste në të gjithë globin, por ai mbetet endemik në Bangladesh, Kinë, Egjipt, Indi, Indonezi dhe Vietnam.
Top Channel
