Procesi gjyqësor kundër ish-presidentit egjiptian Hosni Mubarak do të nisë më tre gusht në kryeqytetin Kajro.
Lajmin e bëjnë të ditur agjencitë ndërkombëtare të lajmeve, të cilat citojnë ministrin egjiptian të Drejtësisë, El Guendi.
Sipas këtij të fundit, në proces do të përfshihen edhe dy djemtë e ish-presidentit, Alaa dhe Gamal, ish-ministri i Brendshëm, El Adly dhe gjashtë ish-asistentë të tij.
Mubarak dhe ish-ministri i Brendshëm do të gjykohen për shtypjen e dhunshme të manifestuesve gjatë revolucionit që rrëzoi presidentin nga pushteti.
Ndërkohë, djemtë e tij do të gjykohen për akumulim të paligjshëm pasurish përmes keqpërdorimit të pushtetit të të atit, saktësojnë më tej burimet.
Top Channel
