Në mendjen e atentatorit të Oslos

Por cfarë mund të vlerësojnë ata? Eksperti Jeremy Coid, profesor i psikiatrisë kriminalistike në kolegjin Queen Mary të Londrës, thotë se ka shumë mundësi që pas ideologjisë së 32-vjecarit të ketë një nivel të thellë crregullimi mendor.

“Vija e fundit është se ne nuk dimë, të paktën për momentin, aq sa duhet mbi motivet e tij për të diagnostikuar gjendjen mendore. Megjithatë, meqenëse janë të gjitha llojet e “prerjes tërthorazi” me ideologjinë e ekstremit të djathtë, unë besoj se ai vuan nga një crregullim mendor”, deklaron Coid.

“Ai e ka kaluar kufirin e ideologjisë ekstreme. Por e keqja qëndron në një detaj dhe ne duhet të kuptojmë më shumë mbi motivet e tij”, shton eksperti i kriminalistikës.

Hetuesit norvegjezë i kanë përqendruar hetimet tek pikëpamjet e djathta të Breivik, i cili kishte publikuar një dokument me 1500 faqe që shpjegonte ideologjinë në fjalë.

Ian Stephen, ekspert i kriminologjisë, deklaron për BBC se ka marrë në shqyrtim karakterin e 32-vjecarit.

“Është një nga dokumentet më të frikshme që kam lexuar. Është shkruar nga një person që është absolutisht i përpiktë në zhvillimet e filozofisë së tij dhe ka kërkuar gjithcka, duke u izoluar për një kohë të gjatë duke lexuar libra dhe duke bërë kërkime në internet”, tregon profesori Stephen.

Top Channel