Itali, 8 burgime të përjetshme
12/07/2011 14:30
Presidencialet në Rumani, sondazhet: Kandidati i Partisë Social-Demokrate udhëheq zgjedhjet 25/11 07:31
Një gjykatë në Lokri të Italisë ka dënuar me burgim të përjetshëm 8 persona, anëtarë të familjeve mafioze kalabreze.
Të pandehurit janë konsideruar nga trupi gjykues përgjegjës për masakrën e Duisburgut në Gjermani, ku në 2007-ën u vranë gjashtë persona.
Mes të dënuarve spikat figura e Giovanni Strangio, që sipas hetuesve ka qenë organizatori dhe ekzekutori kryesor i masakrës që gushtin e katër viteve më parë tronditi qytezën gjermane.
Masakra u krye në kuadër të një konflikti 20-vjecar mes dy grupeve familjesh, Nirta-Strangio dhe Pelle-Vottari, që u ndez pas vrasjes që këta të fundit i bënë një gruaje të fraksionit rival.
Sipas rregullave të Ndrangetës kalabreze, nëse vret një grua, hakmarrja e familjes së saj është e padiskutueshme dhe me përmasa më të mëdha.
Top Channel
