Sërish nën shenjën e skuadrës Red Bull kanë përfunduar edhe provat zyrtare të Çmimit të Madh të Anglisë të zhvilluara në pistën e Silverstonit.
Australiani Mark Webber ka marrë pole position në këto prova i ndihmuar edhe nga fati pasi regjistroi një kohë të shpejtë në minisesionin e tretë të provave zyrtare e më pas reshjet e shiut nuk lejuan më pilotët në fundin e provave ta përmirësonin kohën e Webber.
Në të njëjtën linjë me të, në të parën, gjendet shoku i tij i skuadrës Sebastian Vettel i edhe ai si pilotët e tjerë regjistroi vetëm një xhiro e shpejtë.
Nga linja e dytë e nisjes do të startojnë dy pilotët e Ferrarit, Fernando Alonso nga vendi i tretë dhe Felipe Massa nga vendi i katërt.
Kanë zhgënjyer pilotët e McLaren-it të cilët për asnjë moment nuk kanë garuar me kryesuesit.
Button e fillon garën e Anglisë nga vendi i pestë, ndërsa shoku i tij i skuadrës Luis Hamilton nga vendi i dhjetë, një tjetër pilot ky që u penalizua nga reshjet e shiut në këto prova.
Ndërkohë nuk dihen ende se si kanë ndikuar realisht ndryshimet e reja mekanike në makinat e kësaj gare pasi reshjet e shiut nuk kanë lejuar askënd të japë maksimumin, një tjetër faktor ky që pritet ta bëjë edhe më misterioze e më spektakolare Çmimin e Madh të Anglisë i cili do të transmetohet si gjithmonë drejpërdrejtë në Top Channel duke filluar nga ora 13:50.
Top Channel
