William dhe Kate mirëpriten në Kanada

“Mirëse erdhët në Kanada, kryeqyteti i muajit të mjaltit i Komonuelthit”, deklaroi David Johnston para turmës së mbledhur para Shtëpisë së Qeverisë.

Princi William, që e nisi fjalimin e tij në frengjisht, gjuha e dytë zyrtare e Kanadasë pas anglishtes, tha se ai dhe bashkëshortja e tij kishin një dëshirë të madhe për të vizituar vendin.

Më herët, me orën lokale, duka dhe dukesha vizituan Memorialin Kombëtar të Luftës, ndërkohë që aktualisht po qëndrojnë në Shtëpinë e Qeverisë, në Otaua.

Pas guvernatorit të përgjithshëm ka folur edhe kryeministri Stephen Harper, i cili ka thënë se: “Vizita juaj në Dominionin tonë shënon fillimin e udhëtimit tuaj në zemrat e kanadezëve. Ne ju urojmë gjithë të mirat”.

Top Channel