Armët rebelëve, Franca konfirmon lajmin
29/06/2011 16:05
Akuzohen si spiunë të Rusisë, dalin para drejtësisë tre shtetasit bullgarë në Britani 28/11 16:30
Ushtria franceze ka konfirmuar lajmet se ka hedhur me parashutë nga avionët e saj armë për rebelët që luftojnë kundër kolonelit Muammar Gaddafi në Libi.
“Filluam të hidhnim ndihma humanitare si ushqime, ujë dhe ilace, por situata në terren u përkeqësua. Prandaj hodhëm armë në mënyrë që civilët të vetëmbroheshin”, ka deklaruar koloneli Thierry Burkhard, zëdhënës ushtarak.
Sipas burimit, bëhet fjalë për armë të lehta dhe municione që u janë dhënë luftëtarëve tribalë të fisit Berber, në malet e Nafusës, në fillim të qershorit.
Më herët, një artikull në numrin e sotëm të gazetës “Le Figaro” thoshte se armët përfshinin raketahedhës dhe predha anti-tank.
“Franca, një nga vendet që po udhëheq ofensivën e NATO-s në Libi, nuk i kishte informuar aleatët e saj për këtë lëvizje”, shkruante gazeta.
Top Channel
