“Java†shqiptare e modës
24/06/2011 21:15
Alba akuzon rëndë Meri Shehun, astrologia braktis studion pas sherrit 24/11 18:38
“Albania Fashion week” ose Java e modës shqiptare ka nisur në Tiranë, duke sjellë tendencat më të fundit të veshjeve të realizuara nga stilistë shqiptarë, por edhe të huaj, me 7 koleksione në total.
Në fakt, ndryshe nga vitet e tjera, ky aktivitet i Dhomës Kombëtare të Modës, në këtë edicion të pestë të tij, do të zhvillohet vetëm në dy ditë, kjo për shkak të mungesës së financimeve për të zhvilluar javën e plotë.
Në ditën e parë, u prezantuan veshjet e stilistes Mirela Cici.
Koleksioni i saj është bazuar në kombinimin e ngjyrave dhe tekstileve dhe sipas stilistes, synon që të individualizojë personalitetin dhe sensualitetin e femrës shqiptare, nëpërmjet materialeve të lehta si mëndafshi, tantella dhe lëkura.
Më pas sfilata vazhdoi me koleksionin e quajtur “Red Carpet-Tapeti i kuq”, i Institutit të Modës Burgo. Ngjyrat, mes të tjerash: e bardha, e kuqja, grija, e zeza, jeshilja-limon. Materialet e përdorura: sateni, shigoni, organza, taftaja dhe tyli i qendisur.
Një tjetër stiliste: Mimoza Selimi. Koleksioni i saj solli veshje kryesisht klasike, për grupmoshën nga 35-45 vjeç.
Top Channel
