Sarandë, memorial për camët

Varrezat do të ndërtohen në fshatin Kllogjer të rrethit Sarandë, aty ku prehen më shumë se dy mijë shqiptarë të Çamërisë, që humbën jetën nga lodhja, mungesa e ushqimit dhe ujit.

“Eshte një ëndërr e kahershme e shoqatës patriotike ‘Cameria’, por edhe një angazhim i hershëm i saj, ashtu sikurse ishte një dëshirë e të gjithë popullsisë shqiptare të ‘Camërisë’, që të kishin një varrezë të sistemuar dhe në kuptimin e vërtetë të fjalës monumentale. Ata mijëra njerëz të pafajshëm që vdiqën pikërisht në ato zona e meritojnë plotësisht të nderohen”, tha kreu i shoqatës, Ardian Tana.

Kryetari i Jurisë, Artan Lame tha se keto varreza do te jene nje monument i ngritur ne nder te viktimave dhe nje kujtese e forte, per genocidin grek kunder popullsise came.

“Dëshira për t’i dhënë një prehje dinjitoze të vdekurve, ky është elementi i parë që ne si qënie njerëzore e mbajmë ndaj të vdekurve tanë”, tha Lame.

Varrezat jane nen pronesine e shoqates ‘Cameria’ dhe deri me 30 shtator duhet te paraqitet dosja nga studiot projektuese, e cila duhet te permbaje disa detaje te rendesishme, si ngritjen e nje obelisku dhe anen dekorative te monumentit.

Top Channel