Fotografi reale apo një manipulim kompjuterik

Madje dyshime ngjallin rastet kur format voluminoze janë dhuratë e natyrës. Një rast tipik është Rozana Radi. Madje publiku u informua pothuajse hap pas hapi rreth ndërhyrjeve dhe përmasave që ndryshonin.

Mbase operacionet plastike janë kthyer në rutinë të domosdoshme, por diçka me të cilën publiku, të paktën ai shqiptar, nuk është mësuar janë fotot topless.

Fotot e publikuara pak ditë më parë të Rozanës duket se kaluan dorë më dorë, zhurma ishte e madhe e kurioziteti për të parë të paktën cilësinë e operacioneve plastike ishte i përligjur.

Në të përjavshmet rozë nuk mungojnë javë pas jave foto modelesh apo kengëtaresh në pozimet më provokuese të mundshme e megjithatë të rralla janë rastet kur kopertinat shqiptare me vetëdije kanë të tilla pamje.

Të vetmet që mund të përmenden janë modelet shqiptare që punojnë jashtë vendit të cilat hyjnë menjëherë në imagjnatën kolektive, porsa dërgojnë ndonjë foto të thjeshtë toples, diçka krejt e zakonshme në botën e modelimit.

Sa i takon fotove të Rozana Radit, sipas shtypit, ato kanë disa muaj që janë shkrepur dhe ndërkohë edhe pse publiku ka qenë i mirëinformuar rreth aktivitetit të saj pothuajse me javë, ky detaj ose më mirë këto detaje kanë shpëtuar pa rënë në sytë e të apasionuarve pas lajmeve rozë.

Kuptohet në të tilla raste kur fotot në vetvete janë lajmi sigurisht që në lëmin e thashethemeve nuk mund të mungojë as shoqëruesi i përhershëm, pra thashethemi që fotot janë montazh.

Këto foto të Rozanës duket se janë përfolur si montazh ende pa u publikuar e megjithatë ca minuta për t’i parë me vëmendje i kanë shpenzuar shumë njerëz.

Top Channel