Ashton fton Kosovën në takimin e BE
17/06/2011 14:50
Ministri i Jashtëm kosovar, Enver Hoxhaj do të jetë i pranishëm në një
takim mes ministrave të BE-së dhe kolegëve të tyre ballkanas që do të
zhvillohet mbrëmjen e së hënës në Bruksel.
Lajmin e bëjnë të ditur mediat kosovare, sipas të cilave përfaqësuesi kosovar është ftuar në këtë mbrëmje nga shefja e Politikës së Jashtme të BE, Catherine Ashton.
Sipas burimeve, takimi do të zhvillohet sipas formulës “GYMNIH”, që do të thotë pa shenja shtetërore dhe pa përcaktimin e funksionit të të pranishëmve.
Në këtë mënyrë do të sigurohet që në takim të jetë i pranishëm si ministri kosovar, ashtu edhe përfaqësuesi i shtetit serb, që së fundmi ka bojkotuar samitet ndërkombëtare.
Top Channel